Friðarljósin eru útikerti sem Hjálparstarfið selur í gegnum fjölda aðila víða um land. Kertin eru framleidd hjá Heimaey, vernduðum vinnustað. Kertin kosta 500 kr. og rennur hagnaður til reksturs Hjálparstarfsins vegna verkefna heima og erlendis.

Helstu söluaðilar eru stórmarkaðir, blómabúðir, félagasamtök og fleiri. Um jól, áramót og á allra heilagra messu eru kertin seld í kirkjugörðum á höfuðborgarsvæðinu og oft víðar s.s. á Akranesi og Akureyri. Það er þó breytilegt milli ára. Kertin loga allt að 10 tíma við góð skilyrði. 36 kerti eru í kassa, ekki þarf að kaupa heila kassa og skila má öllum óseldum kertum.

Félagasamtök geta selt kerti og fengið söluágóða; 20% af 500 króna útsöluverði. Vinsamlega hafðu samband við Atla Geir Hafliðason hafir þú eða þín samtök áhugaá að selja: atli@help.is eða 862 2955.