Reikningsnúmer:
Verkefni erlendis:
0334-26-50886
Verkefni innanlands:
0334-26-27
kt. 450670-0499
Söfnunarsímar
907 2002
hjálp heima, 2500 kr.
907 2003
hjálp erlendis, 2500 kr.
viltukaupagjafabref
Fyrir vefsíðuna
Viltu senda
minningarkort?
Vatn er von 01.12.2017

Eþíópía er eitt af fátækustu ríkjum heims, númer 174 á lista 188 ríkja á lífskjaralista Sameinuðu þjóðanna (samkvæmt skýrslu frá því í mars 2017). Ríkið er það næstfjölmennasta í Afríku með 94,4 milljónir íbúa en um 45% þjóðarinnar er yngi en 15 ára og nær þriðjungur hennar er yngri en 24 ára að aldri.

Langflestir íbúanna, eða um 80%, búa í dreifbýli og hafa lifibrauð sitt af landbúnaði sem er háður úrkomu sem er af skornum skammti.  Aðstæður þeirra sem búa í dreifbýli eru mun lélegri en þeirra sem búa í þéttbýli. Landeyðing og uppskerubrestur í landinu eru að hluta til rakin til loftslagsbreytinga, þurrkar eru tíðir og regntíminn ótryggur þar sem veðurfar er að breytast. Fleiri en tíu milljónir íbúa þurftu utanaðkomandi neyðaraðstoð vegna þurrka og uppskerubrests árið 2016.    

Sú jákvæða þróun hefur átt sér stað undanfarinn áratug að um 10% hagvöxtur hefur verið í landinu og þeim sem búa við sára fátækt hefur fækkað hlutfallslega. Um 55% þjóðarinnar höfðu minna en 1,9 USD úr að spila dag hvern árið 2000 samanborið við 33% árið 2011. Alþjóðabankinn segir stjórnvöld í landinu hafa náð góðum árangri í því að draga úr fátækt í samfélaginu en að enn sé þó langt í land til þess að markmið stjórnvalda náist um að Eþíópía komast í hóp lægri-meðaltekjuríkja á lífskjaralista Sameinuðu þjóðanna fyrir árið 2025.  

Samkvæmt skilgreiningu Alþjóðabankans býr fólk við sára fátækt þegar það hefur minna en 1,9 bandaríkjadala til að lifa á dag hvern. Árið 2013 bjuggu 767 milljónir jarðarbúa við sára fátækt. Meira en helmingur þeirra eða 389 milljónir bjuggu í Afríku sunnan Sahara. Flestir sárafátækra störfuðu við landbúnað í dreifbýli, meira en helmingur þeirra var yngri en 18 ára og höfðu ekki átt kost á skólagöngu.

Hjálparstarf kirkjunnar hefur því góða ástæðu til að starfa með sjálfsþurftarbændum í afskekktu Sómalífylki sem er eitt af fjórum fátækustu fylkjum í Eþíópíu. Með því að tryggja fólkinu aðgengi að drykkjarhæfu vatni, hjálpa því til sjálfbærni í landbúnaði og stuðla að auknu jafnrétti leggur Hjálparstarfið lóð sín á vogarskálarnar til að heimsmarkmið Sameinuðu þjóðanna um sjálfbæra þróun og útrýmingu fátæktar náist fyrir árið 2030.     

 

Til baka...