Heiti: Hjálparstarf kirkjunnar
Kt. 450670 0499
Heimilisfang: Háaleitisbraut 66, 103 Reykjavík
Netfang: help@help.is
Sími: 528 4400
Fax: 528 4401

Hjálparstarf kirkjunnar er sjálfseignarstofnun skráð í þjóðskrá og fyrirtækjaskrá hjá Ríkisskattstjóra með rekstrarform félagasamtaka. Bæklingurinn: Hvað gerir Hjálparstarf kirkjunnar? Siðareglur Hjálparstarfsins.

Ársskýrsla 2010-2011

Ársskýrsla 2009-2010 lengri útgáfa - styttri útgáfa

Ársskýrsla 2008-2009 lengri útgáfa - styttri útgáfa

Ársskýrsla 2007-2008

Ársskýrsla 2006-2007

Ársskýrsla 2005-2006

Viltu leggja inn á reikning? Smelltu hér

Hvernig hófst starfið?

Hjálparstarf kirkjunnar stofnaði Þjóðkirkja Íslands árið 1970. Stofnunin hét þá Hjálparstofnun kirkjunnar en nafni hennar var síðar breytt enda þótti nýja nafnið meira lýsandi þar sem allar kirkjur í landinu standa að starfinu en ekki ein stofnun. Tildrögin að stofnuninni voru þau að kirkjan hafði árið áður staðið fyrir landssöfnun til styrktar sveltandi fólki í Biafra-héraði í Nígeríu. Bíafra - landssöfnun. Þá þótti tími til kominn að hefja skipulegt hjálparstarf á vegum kirkjunnar meðal bágstaddra þjóða, eins og tíðkast hafði lengi hjá nágrannaþjóðum okkar. Síðan hefur Hjálparstarf kirkjunnar tekið þátt í hjálparstarfi víða um heim, enda hefur efnahagsleg misskipting og þörfin fyrir öflugt hjálparstarf síst farið minnkandi á undanförnum árum.

Hjálparstarf kirkjunnar er sjálfseignarstofnun. Stjórn hennar er í höndum fulltrúaráðs. Fimm menn eru skipaðir af Kirkjuráði, lærðir eða leikir. Hvert prófastsdæmi landsins kýs einn mann í fulltrúaráð. Enginn má sitja í fulltrúaráði lengur en sex ár samfleytt. Fulltrúaráðið setur stjórninni og endurskoðendum starfsreglur.

Þriggja manna stjórn ber ábyrgð á daglegum rekstri stofnunarinnar. Hún heldur ekki færri en átta fundi árlega. Stjórnarmenn eru kosnir til eins árs í senn. Heimilt er að endurkjósa menn í stjórn þó ekki svo að samfelld seta þeirra þar verði lengri en 6 ár. Tveir menn sitja í varastjórn. Alla jafna hittast bæði aðalmenn og varamenn á fundum stjórnar.

Hlutverk Hjálparstarfs kirkjunnar er að hafa forgöngu um og samhæfa mannúðar- og hjálparstarf íslensku þjóðkirkjunnar innanlands sem utan. Sjá nánar skipulagsskrá Hjálparstarfsins.

Starfsfólk

Jónas Þórir Þórisson framkvæmdastjóri (jonas hjá help.is)
Áslaug Arndal skrifstofustörf, sala friðarljósa o.fl. (aslaug hjá help.is)
Vilborg Oddsdóttir félagsráðgjafi, umsjón með innanlandsaðstoð (vilborg hjá help.is)
Bjarni Gíslason fræðslu- og upplýsingafulltrúi (bjarni hjá help.is)
Atli Geir Hafliðason, umsjón með lager og matarbúri, kertasala (atli hjá help.is)
Anna M. Þ. Ólafsdóttir verkefnastjóri (anna hjá help.is)
Eldey Huld Jónsdóttir félagsráðgjafi innanlandsaðstoð (eldey hjá help.is)