Hjálparstarf kirkjunnar
Fermingarbörn í Lindakirkju safna til innanlandsaðstoðar Hjálparstarfsins
01.03.2010
Eftir messu í Lindakirkju 21. febrúar síðastliðinn héldu fermingarbörn flóamarkað til styrktar innanlandsaðstoð Hjálparstarfsins. Markmiðið var að bjóða fólki nytsama hluti á lágu verði og um leið styrkja gott málefni. Fjölbreytt úrval hluta og fatnaðar var í boði. Margir nýttu sér tækifærið og eignuðust eigulega hluti fyrir nokkrar krónur. Þetta skemmtilega framtak fermingarbarnanna skilaði rúmlega 17.000 krónum til innanlandsaðstoðar Hjálparstarfsins. Innilegar þakkir!